Hvað er varaflugmaður??

Ég hef aldrei heyrt um eitthvað sem er kallað varaflugmaður.. oft á löngum flugleiðum eru 3 flugmenn og skiptast þeir þá á að hvíla sig. Ætli það sé komin samkeppni á milli flugmanna um að standa sig sem best til að byrja ekki á bekknum??

Flugmaður fékk taugaáfall í flugi

Athugasemdir

[Bjarni (IP-tala skráð) 30.1.2008 kl. 23:36]

erm... boeing 747! Aðstoðarflugmaður.... ertu nokkuð heimskur?

[Örn Johnson '43 (IP-tala skráð) 31.1.2008 kl. 01:16]

Aron, ágæt athugasemd frá þér. Ég er einkaflugmaður, á mína litlu flugvél og nýt þess. Þess vegna les ég allt sem birtist í dagblöðunum um flug. Hvað hef ég lært af því ? Jú eftirfarandi: Nær allt sem fréttaamenn skrifa um flug er bull. Dæmi.

1) Blaðamenn halda að þeir viti allt. Hvar fékk þessi blaðamaður þetta orð, varaflugmaður ? Þetta er nýyrði og t.d. ekki til í "Flugorðasafni"sem kom út 1993. Mogginn ætti að fjárfesta í þessari ágætu bók fyrir sína blaðamenn og benda þeim á að hún sé til þarna.

2) Fréttamenn skrifa um flugvélar sem hrapa. Mér vitanlega hefur slíkt nær aldrei gerst í allri flugsögunni. Það hefur komið fyrir á listflugssýningum að einhver sýnendana fer fam úr mörkum þess sem flugvélin getur og af því að hún var of nálægt jörðu, fór sem fór. Nær alltaf bara einn um borð. Flugvél með fleiri en 3 um borð hrapar EKKI. Hún svífur til jarðar. Sá blaðamaður sem notar þetta orð "hrapar" lýsir bara heimsku sinni. Þetta á enda við alla fjölmiðlamenn, RUV, Stöð 2 o.fl. En fréttamenn eru bara svo gáfaðir frá náttúrunnar hendi að þeir þurfa sko ekki að láta þá sem e-ð vita upplýsa sig um flug. Kannski gera þeir það í öðrum greinum. Sá eini sem veit MJÖG mikið um flug og er MJÖG klár er Ómar.

3. Skilja má af farþegum og síðan fréttamönnum að flugmenn séu sérstaklega þjálfaðir í því að drepa sjálfa sig og alla farþegana. Dæmi um þetta er nýleg, þegar vél frá Icelandair kom inn til lendingar í Keflavík fyrir ca 3 vikum, gerði tvær aðflugstilraunir í slæmu veðri og fór svo til Egilsstaða. Niðurstaða farþega og féttamanna er einföld: Icelandair segir við sína flugmenn, drusliði vélinni niður, hvernig sem þið farið að því. Það er ódýrara fyrir okkur heldur en að borga gistingu fyrir skrýlinn sem grætur þarna aftur í. Vélin er vel tryggð.  Verið ekkert að hugsa um ykkur sjálfa, konan og börnin komast vel af og þið deyið samstundis. Svona er reyndar ekki sagt en má VEL lesa milli línanna. Ef þú heldur að viðkomandi fréttamaður leiti sér frekari upplýsinga frá öðrum sem þekkir til, þá er það rangt. Fréttin er birt og Spaugstofan er með sérstakan þátt um þetta, flugmönnunum er klappað lof í lófa fyrir að lenda. Niðurstaðan er sú að það er bara tilviljun ef flugvél ferst ekki í lendingu og enginn hefur heyrt af því að flugmenn fái sérstakar þjálfanir, nei þeir vita örugglega ekkert en hinir "heilögu" fréttamenn hvernig á að lenda flugvélum.

Með kveðju og takk fyrir að benda á þessa dellu, ég vona bara að e-r fréttamaður lesi þeta. Ég hef box hjá [e-mail], ef einhver vill senda athugasemdir.

Einn með 7000 lendingar að baki og enn á lífi

Kveða Örn Johnson

[Aron Smári, 31.1.2008 kl. 05:29]

Góðir punktar hjá þér Örn. Ég á einmitt þetta flugorðasafn sem Jónína Margrét Guðnadóttir skrifaði og fyrst þú minntist á þessa bók þá að sjálfsögðu fór ég að leita af þessu orði í henni, og viti menn, að sjálfsögðu er það ekki til. En þessi bók er alveg frábær og jafnvel nauðsynleg fyrir marga því það er svo mikið af íslenskum orðum í fluginu sem maður skilur bara enganvegin. Og það er alveg hárrétt hjá þér að fréttamennska af þessum flugatvikum sem hafa orðið undanfarið er fyrir neðan allar hellur því það endurspeglar enganvegin hvað var í rauninni að gerast og er ég búinn að bauna á nokkra sem verða allt í einu sérfræðingar í flugi og koma með asnalegustu staðreindir. Tek þá sem dæmi þegar JetX vélin fór útaf í keflavík, slysið hjá BA í london og síðan þetta go around hjá icelandair. Það er bara ein ástæða fyrir því að flugvél hættir við lendingu en þá er akkurat öruggara að vera í loftinu heldur en að lenda á þessu momenti sem vélin er að lenda, þá yfirleitt útaf veðri eða önnur umferð sem er fyrir á brautinni. Og fólk lýsir alltaf vantrausti yfir flugmönnum þegar þeir hætta við lendingar og þurfa að fljúga á aðra flugvelli, en þeir voru bara að gera sitt besta við að koma fólkinu heim en veður bara leyfði það ekki og þess vegna varð að hætta við. Ég man eftir að Iceland Express sem var í áætlunarflugi til Akureyrar flaug beint til keflavíkur vegna veðurs á akureyri og það voru allir svo drullu fúlir  yfir því, en áttuðu sig ekki á því að ef vélin hafi farið til akureyrar hafi hún þurft að hætta við og fara hvort sem er til keflavíkur.

En þessi færsla hjá mér var nú sett bara í saklausu gríni yfir orðalag fréttamannsins. 

Og Bjarni, þú sannaðir alveg hvor okkar er heimskur með þessu commenti hjá þér. Það er ekkert sem heitir varaflugmaður, og nú er kominn sá tími að aðstoðarflugmaður er ekki lengur til í dag. Mennirnir sem eru þarna frammí eru kallaðir flugstjóri og flugmaður eða Captain and First Officer á ensku og Capteins nafið er að detta út fyrir Commander.  Ég skil það allavega þannig að ef flugmaðurinn væri "varaflugmaður" að þá væri nóg að hafa bara einn mann þarna fammí og hinn bara þarna til staðar ef hann mundi missa vitið. En það er ekki, ástæðan fyrir því að það eru 2 menn þarna frammí er einfaldlega sú að vinnuálag getur orðið of mikið fyrir einn mann ef eitthvað kemur uppá og líka ef öðrum manninum yfirsést eitthvað þá er hinn til að taka eftir því, og þar af leiðandi minni hætta á misskilningi og röngum ákvarðanatökum.

[ókunnugur (IP-tala skráð) 31.1.2008 kl. 11:47]

   

En þessi færsla hjá mér var nú sett bara í saklausu gríni yfir orðalag fréttamannsins. 

uss uss uss þetta er ekki það sem ég vildi heira ;) svara ekki spurningum um þessa athugasemd

[TJ (IP-tala skráð) 31.1.2008 kl. 13:44]

Leyfi mér einnig að minna á fréttaflutning af því þegar flugmaður var sagður hafa "villst" og var næstum lentur á Akureyri í stað Ísafjarðar.  Að sjálfsögðu villtist enginn, heldur varð misskilningur um ákvörðunarstað.  Fréttamenn töldu hins vegar betra að tala um að flugmaðurinn hefði villst af leið þegar raunin var sú að það var fréttaflutningurinn sem var villtur og beinlínis rangur.

Svo er reyndar annað sem mér finnst asnalegt, það er þegar farartæki á borð við bíla og flugvélar taka sig til og eru sögð gera eitthvað, líkt og þau hafi sjálfstæðan vilja.  Þannig heyrist í fréttum að "þyrla skaut flugskeytum" eða "bíll ók útaf".  Í þeim tilfellum voru það auðvitað þeir sem sátu við stjórnvölinn sem voru gerendur en ekki tækin sem þeir stjórnuðu.